Plantun de Prouvènço

Pèr coumpara dos planto d'encò nostre

Arenaria aggregata & Lilium martagon

Arenaria aggregata

Caryophyllaceae

Noms en français : Sabline à fleurs en têtes, Sabline agglomérée.

Descripcioun :
Lineto mountagnardo di cambo pelouso que fai de mato dins lis esboudèu, li tepiero roucaiouso e li paret de roucas. Se recounèis à si flour agroumelado en tèsto sarrado e à si fueio duro, rufo e di proun pounchudo sus quatre rèng. Li meno de Ventour an de cambo proun courteto (fotò). Coumpara emé la lineto-di-gràndi-flour que ié sèmblo .

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 10 (25) cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Arenaria
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 6 à 10 mm
Flourido : Printèms - Estiéu

Sòu : Ca
Autour basso e auto : 0 à 1800 m
Aparado : Noun
Jun à avoust

Liò : Roucaio - Tepiero seco - Esboudèu
Estànci : Mesoumediterran à Mountagnard
Couroulougi : Mediterranenco-Mountagnardo
Ref. sc. : Arenaria aggregata (L.) Loisel., 1827

Martagoun

Lilium martagon

Liliaceae

Noms en français : Lis martagon, Racine d'Or.

Descripcioun :
Tras que poulido planto de nòsti mountagno que pòu flouri fin qu'à mai de 2500m d'auturo. Se recounèis evidentamen à si gròssi flour roujo picoutado e à si fueio verticilado pèr 5 e mai.

Usanço :
La cabosso èro manjado li tèms de carestié. A l'ouro d'aro soun li senglié que se n'en cargon alor que li cabróu esbrouton li fueio. Lou martagoun èi vertuous contro lou mau d'os, es un remoulissènt di car. Evidentamen lou fau pas acampa qu'es uno planto urousamen proutegido.